Þrenna af bótum á peysur

-3x peysubætur: 
  Feimnispeysubót (Pastelgrænt, 11x8 cm)
  Hákarlapeysubót  (Blátt, 10x8)
  Stórkjafta peysubót (Appelsínugult, 10.5x9 cm)
-Ofnar bætur

Hvert merki er innblásið af einni af endurnýttu peysunum hennar Ýrúrarí, sem þú gætir rekist á þegar þú skoðar verkefni hennar og feril. Hugmyndin að merkjunum kviknaði í viðgerðarvinnustofum hennar, þar sem áhersla er lögð á að breyta gömlum peysum og prjónavörum á skapandi hátt og gera við þær þannig að þær verði að persónum eða fái persónulegar skreytingar. Nú geturðu gengið skrefinu lengra og notað þessar litlu peysubætur til að gera við eða breyta öðrum textíl og lengja þannig líftíma hans! 

Leiðbeiningar um straubætur:

Fyrst skaltu athuga hversu mikinn hita efnið þolir, það sem þú ætlar að festa merkið á; auðveldast er að skoða þvottamiðann og athuga hvort þar sé í lagi að strauja flíkina. Stilltu næst straujárnið á „bómull“; EKKI STILLT STRAUJÁRNIÐ Á GUFU. Settu síðan bótina á þann stað sem þú vilt hafa hana og breiddu bökunarpappír yfir. Rétt áður en þú straujar merkið á getur verið gott að hita staðinn sem þú valdir (sérstaklega gallaefni) með því að strauja hann létt.

Þegar merkið er komið á réttan stað og bökunarpappírinn hefur verið lagður yfir skaltu strauja varlega yfir bökunarpappírinn. Færðu straujárnið hægt yfir og gættu þess að strauja yfir alla fleti merkisins (sérstaklega kantana). Straujaðu í að minnsta kosti 30–40 sekúndur og bíddu í að minnsta kosti 2 mínútur áður en þú fjarlægir bökunarpappírinn.

Þvottaleiðbeiningar:

• Ekki þurrhreinsa
• Ekki setja í þurrkara
• Ekki nota klórbleikiefni
• Þvoið aðeins á köldu þvottakerfi
• Bíddu í 24 klukkustundir eftir að merkið hefur verið sett á áður en flíkin er þvegin í fyrsta sinn.

Hafðu í huga að ef þú saumar kantana á merkjunum við efnið festast þau mun betur og þá má þvo flíkina á venjulegum þvottakerfum!